المقاله تحت باب  أدب شعبي
في  13/09/2007 06:00 AM
GMT

وين، وين مسافر
ولحنك دمعه بعين الحاير
وطعم الحب بشكلك داير
وجهك فجر يهل بشاير
وانت الحسره
الظلت تغلي بصدر مناطر
وين، وين مسافر

يا احلى عيون من نظره حبوني
بيهم مجنون بكل فيض جنوني
ياورد النورالناح على جفوني
حبك فرحان ايطيب الخاطر
وين، وين مسافر

الدنيا الحلوه انت حبها باح ضياه
وانت الفجر الشادي اللاح صداه
وأنت النسمه الباحت عطر شذاه
حبك وجنوني اثنين تولعوا بشاعر
وين، وين مسافر

لما شفتك بذيج اللحظه التروي شعور
جنت انت، ممراح وسواح بفسحة نور
حبيتك، بكل اشيائي، بأطياف الحب المسحور
ياكلبي، وين احلامي شمالك مظلوم وخاسر
وين، وين مسافر

ياحبي الداير على الدنيا وين اتريد
صامت والخوف بعينك دوم يزيد
مهموم وشايل حزنك حتى بيوم العيد
وانت الحبوب الماتدري بيك الناس تكابر
وين، وين مسافر